यावल (प्रतिनिधी) – लग्नासाठी तयार केलेल्या वेबसाईटवर ओळख झालेल्या ३२ वर्षीय महिलेला लग्नाचे अमिष दाखविले. त्यानंतर वेळोवेळी तिच्यावर अत्याचार केल्याची घटना उघडकीस आली आहे. तसेच व्हिडीओ व्हायरल करण्याची धमकी देत महिलेकडून खंडणी उकळली. याप्रकरणी फैजपूर पोलिसात गुन्हा दाखल करण्यात आला आहे.
यावल तालुक्यातील एका गावात ३२ वर्षीय महिला वास्तव्यास आहे. त्या महिलेची जीवनसाथी डॉट कॉमवर सिद्धार्थ तायडे (रा. गौतम नगर, जि. बुलाढाणा) याच्यासोबत ओळख झाली. त्यानंतर पीडित महिलेला तायडे याने लग्नाचे अमिष दाखवून तिच्यावर फैजपूर, भुसावळ, मुंबई, छत्रपती संभाजी नगर, फर्दापुर आणि बुलढाणा येथे लॉजवर नेऊन अत्याचार केला. तसेच नकळत पीडितेचे व्हीडीओ रेकॉर्डीग करुन ते व्हिडीओ तुझ्या पतीला दाखवेल आणि सोशल मीडियावर व्हायरल करेल असे धमकावून तिच्याकडून तीन लाखांची खंडणी मागितली. तसेच खंडणी पोटी महिलेने तिचे सोन्याचे मंगळसूत्र गहाण ठेवून ७४ हजार रुपये उकळले. ही घटना दि. १० जून २०२५ पासून ते दि. १६ मे दरम्यान घडली. फैजपूर पोलीस ठाण्यात महिलेने दिलेल्या फिर्यादीवरून संशयित तुषार सिद्धार्थ तायडे याच्याविरुद्ध गुन्हा दाखल करण्यात आला असून त्याला अटक करण्यात आली आहे. तपास यावलचे पोलीस ठाण्याचे पोलिस निरिक्षक रंगनाथ धारबळे हे करीत आहे.
