नांदेड, ता. धरणगाव (प्रतिनिधी) सालाबादाप्रमाणे दरवर्षी १४ जानेवारी मकर संक्रांतीच्या दिवशी भरणारी चिंधू देवाची यात्रा यंदाही कोरोनाचा वाढता प्रादुर्भाव लक्षात घेता रद्द करण्यात आली आहे. नागरिकांनी नोंद घ्यावी, असे आवाहन ग्रामविकास अधिकारी सुनील भदाणे यांनी केले आहे.
गेल्या दोन वर्षांपासून बंद असलेली यात्रा निदान यावर्षी तरी भरेल, अशी उत्सुकता ग्रामस्थांमध्ये होती. परंतू जिल्ह्यात कोरोनाचा प्रादुर्भाव वाढतच आहे. त्यामुळे प्रशासनाने जिल्ह्यात निर्बंध लागू केलेले असल्यामुळे यावर्षीही १४ जानेवारी रोजी मकर संक्रांतीच्या दिवशी येथील चिंधू देवाची यात्रा भरणार नाही. गेल्या दोन वर्षापासून कोरोना साथीच्या निर्बंधांमुळे येथे १४ जानेवारी रोजी मकर संक्रांतीच्या दिवशी भरणारी चिंधू देवाची यात्रा यंदाही नसेल. गेल्या वर्षी ग्रामपंचायतीच्या पंचवार्षिक निवडणुकीचे मतदान होते. त्यामुळे यात्रोत्सव बंद ठेवण्यात आला होता. यावर्षी देखील यात्रा नसल्यामुळे ग्रामस्थांचा हिरमोड झाला आहे.
