चोपडा (प्रतिनिधी) शहरातील शनी मंदिर परिसरातून भरदिवसा दुचाकीला टांगलेली बॅगेतून 2 लाख 75 हजार रुपये लंपास करून अज्ञात चोरटे पसार झाल्याची घटना आज दुपारी घडली.
शहरातील शनी मंदिरा समोर समीक्षा ड्रायफ्रूट या दुकानावर महेश पतसंस्थाचे कर्मचारी शरद रामदास बाविस्कर हे दररोज प्रमाणे पैसे घेण्यासाठी आले होते. बाविस्कर एचआर पावती फाडण्यासाठी गेले असता दुचाकीला लागलेली बॅग घेऊन अज्ञात चोरटे पसार झाले. त्यात महेश पतसंस्थेतून वितरण केलेले किरण शिंपी यांचे 1 लाख रुपये आणि शरद बाविस्कर यांचा पगार असे एकूण 2 लाख 75 हजार रुपये रोख लंपास झाल्याची प्राथमिक माहिती मिळाली आहे. याबाबत चोपडा शहर पोलिस स्टेशनमध्ये गुन्हा नोंद करण्याचे काम सुरू होते. गुन्हा दाखल झाल्यानंतर चोरीला गेलेल्या एकूण रकमेबाबत स्पष्टता येणार आहे.
पोलिसांकडून अनेक दुकांनाच्या सीसीटीव्ही केमॅरे बघणे सुरू होते. घटनास्थळी डीवायएसपी ऋषिकेश रावले, पोलिस निरीक्षक कविता कमलाकर यांच्यासह सर्व अधिकारी पोहचले होते.दरम्यान, तीन चोरटे होते, त्यापैकी एकाने बॅग उचलली आणि थोड्याच अंतरावर उभी असलेल्या दुचाकीवरून तिघं धूम स्टाईल पसार झालेत.
