धरणगाव (प्रतिनिधी) धरणगाव कोवीड केअर सेंटरने पाठविलेल्या संशयित रूग्णांच्या स्वॅबचे अहवाल आज (दि.१७) प्रशासनाला प्राप्त झाले. त्यानुसार तालुक्यात ४२ कोरोनाबाधित रूग्ण आढळून आले आहेत. या वृत्ताला नायब तहसीलदार प्रथमेश मोहोळ यांनी दुजोरा दिला आहे.
याबाबत माहिती अशी की, धरणगाव तालुक्यात आज आढळून आलेल्या अहवालात एकूण ४२ रूग्ण कोरोना पॉझिटीव्ह आढळून आले आहे. पाळधी बुद्रुक आणि पाळधी खुर्द येथे प्रत्येकी ९, बोरखेडा २, मातोश्री नगर १, दहीदुला १, अशोक नगर १, दोनगाव बुद्रुक १, अंजनविहिरे २, झुरखेडे ३, चांदसर, निमखेडे, साळवा, चोरगाव, बांभोरी प्र,चा, नेहरूनगर धनगर गल्ली, परीहार चौक, भाटिया गल्लीत प्रत्येकी १ रुग्ण आढळून आला आहे. तर नीरु नगर २ आणि नांदेड येथे ३ रुग्ण आढळले आहेत. असे एकूण ४२ कोरोनाबाधित रुग्ण तालुक्यात आढळून आले आहेत. आजचे ४२ रूग्ण पकडून तालुक्यात १८४९ रूग्ण झाले असून यापैकी ४६ रूग्ण मयत झाले. तर १५२३ रूग्ण बरे झाले असून उर्वरित २८० रूग्ण हे उपचार घेत आहे. या वृत्ताला नायब तहसीलदार प्रथमेश मोहोळ यांनी दुजोरा दिला आहे. दुसरीकडे बालकवी ठोंबरे विद्यालय, कोविड सेंटर आणि लिटील ब्लाझम स्कूलमध्ये संशयिताना क्वारंटाईन करण्यात आलेले आहेत. नागरिकांनी प्रशासनाच्या नियमांचे पालन करावे, असे आवाहन लोकनियुक्त नगराध्यक्ष निलेश चौधरी यांनी केले आहे.
