जळगाव (प्रतिनिधी)शहरातील मेहरून बगीचा येथे काहीही कारण नसताना एका तरुणाला शिवीगाळ करत दगडाने मारहाण करून डोक्याला दुखापत केली. याप्रकरणी बुधवार दि. २६ मार्च रोजी रात्री एमआयडीसी पोलीस ठाण्यात दोन जणांवर गुन्हा दाखल करण्यात आला आहे.
शहरातील मेहरुण परिसरातील कुंभारवाडा परिसरात आकाश शांताराम भोई (वय-२२) हा तरुण आपल्या परिवारासह वास्तव्याला आहे. खाजगी वाहन चालवून आपला उदरनिर्वाह करतो. दरम्यान मंगळवार दि. २५ मार्च रोजी रात्री साडेनऊ वाजेच्या सुमारास आकाश हा जळगाव शहरातील मेहरूण बगीचा येथे गेलेला होता. त्यावेळी काही कारण असताना संशयित आरोपी सोहम ठाकरे आणि विक्रम धनसिंग शिंदे दोन्ही रा. जळगाव यांनी शिवीगाळ करत हातातील दगड डोक्यावर मारून दुखापत केली. दरम्यान या संदर्भात आकाश भोई यांनी एमआयडीसी पोलीस ठाण्यात फिर्याद दिली.
