हैदराबाद (वृत्तसंस्था) : अज्ञात संपर्कातून मिळालेल्या व्हॉट्सॲप लिंकवर क्लिक केल्यानंतर एका सेवानिवृत्त शिक्षिकेने तब्बल २१ लाख रुपये गमावल्याची घटना आंध्र प्रदेशात घडली आहे.
अन्नमय जिल्ह्यातील मदनपल्ले शहरातील रेड्डेप्पनयडू कॉलनीतील रहिवासी असलेल्या वरलाक्षीने “बँक खात्यातून या पैशांची चोरी झाली आहे. ज्ञात संपर्कातून मिळालेल्या व्हॉट्सॲप लिंकवर क्लिक केल्यानंतर तिच्या बँक खात्यातून पैसे गमावले. तिने लिंकवर क्लिक केल्यानंतर घोटाळेबाजांनी तिचे बँक खाते हॅक केले आणि त्यानंतर तिच्या खात्यातून 21 लाखांची रक्कम एकाच वेळी काढून घेतली. पैसे कापले गेले आहेत” असा संदेश मिळाल्यानंतर वरलाक्षी यांनी स्थानिक पोलिसांकडे तक्रार नोंदवली. घोटाळेबाज तिचे बँक खाते रिकामे करण्यात यशस्वी झाल्यानंतर, तिने बँकेशी संपर्क साधला आणि तिच्या खात्यातून 21 लाख रुपये चोरीला गेल्याची माहिती तिला मिळाली. त्यानंतर तिने सायबर क्राईम विभागाला याबाबत माहिती दिली. व्हॉट्सॲप लिंकवर क्लिक केल्यानंतर पैसे डेबिट झाल्याचे पोलिसांना समजले. त्यामुळे तुम्हाला कुणी भावनिक लिंक पाठवल्यास नागरिकांनी लिंकवर क्लिक करण्यापूर्वी सावधानता बाळगावी, असे आवाहन पोलिसांनी केले आहे.
