धरणगाव (प्रतिनिधी) तालुक्यातील साळवा आणि खर्दे येथील महिला व सामाजिक कार्यकर्त्यांनी पालकमंत्री ना. गुलाबराव पाटील यांच्या उपस्थितीत शिवसेनेत प्रवेश केला. यावेळी ‘जय भवानी जय शिवाजी’, अशा घोषणांनी परिसर दणाणला होता. जिल्ह्यात एकीकडे खा. शरद पवार यांचा दौरा सुरु असतांना दुसरीकडे मात्र, धरणगावात महिलांसह सामाजिक कार्यकर्त्यांनी केलेल्या शिवसेना प्रवेशाची जोरदार चर्चा राजकीय वर्तुळात रंगली होती.
शिवसेनाप्रमुख स्व. बाळासाहेब ठाकरे यांच्या आशीर्वादाने मुख्यमंत्री एकनाथजी शिंदे यांच्या मार्गदर्शनाखाली व शिवसेना नेते तथा पालकमंत्री गुलाबराव पाटील यांच्या उपस्थितीत खर्दे व साळवे येथील असंख्य महिला व सामाजिक कार्यकर्ते यांना शिवसेनेत प्रवेश देण्यात आला. साळवा येथील भूषण पाटील दिनकर कोल्हे गौरव पाटील, संदीप पाटील, आकाश ढाके, किशोर इंगळे, ज्ञानदेव चौधरी, अर्जुन सोनवणे, नथू पाटील तर खर्दे येथील समाधान कोळी, दीपक भिल तसेच सुशिलाबाई पाटील, जयश्री सोनवणे व लोकेश्वरी सोनवणे यांच्यासह असंख्य सामाजिक कार्यकर्ते व महिलांनी प्रवेश केला.
यावेळी मंत्री गुलाबराव पाटील यांनी भगवे रुमाल देऊन त्यांचा स्वागत केले. यावेळी जिल्हा प्रमुख निलेश पाटील, विधानसभा क्षेत्र प्रमुख संजय पाटील सर,महिला आघाडी संपर्क प्रमुख सरिताताई कोल्हे, महानगर प्रमुख शोभाताई चौधरी, प्रियाताई इंगळे, कृणाल इंगळे, युवासेनेचे शिवराज पाटील, तालुका संघटक रविंद्र चव्हाण सर, स्विय सहायक बंडूदादा नारखेडे आदी उपस्थित होते.
