धरणगाव (प्रतिनिधी) तालुका काँग्रेस कडून आज शहरात वाढता कुत्र्यांचा होणाऱ्या उपद्रव संदर्भात नगरपालिकीचे ओएस संजय मिसर यांच्याकडे प्रश्न उपस्थित करून या विषयावर त्वरित कारवाई करून मोकाट कुत्र्यांचा बंदोबस्त करावा अशी मागणी करण्यात आली.
शहरात पुन्हा कुत्र्यांनी हैदास घातला असून गल्लोगल्ली मोठ मोठ्या झुंडीमध्ये कुत्र्यांचे समूह दिसून येत आहे. काल रात्री भोई वाड्यात एका लहान मुलावर काही कुत्र्यांनी अचानक हल्ला केला. सुदैवाने अनर्थ टळला आणि त्या मुलाला काही इजा झाली नाही. नगरपालिका प्रशासनाने याविषयी लक्ष घालून कुत्र्यांपासून नागरिकांना होणाऱ्या त्रासापासून सुटका करावी. मिसरजी यांनी आश्वासन दिले कि मी मुख्याधिकारींशी चर्चा करून हा प्रश्न त्वरित मार्गी लावू. यावेळेस तालुका काँग्रेसचे सरचिटणीस रामचंद्र माळी, विकास लांबोळे, ओबीसी सेलचे तालुकाध्यक्ष प्रमोद जगताप, युवक काँग्रेसचे शहर अध्यक्ष गौरवसिंग चव्हाण, दिनेश पवार,रवी महाजन व कार्यकर्ते उपस्थित होते.
