धरणगाव (प्रतिनिधी) तालुक्यातील पिंप्री जवळ झालेल्या भीषण अपघातात एका तरुण जागीच ठार झालाय. गजानन पाटील (वय ४३, रा.वाघळूद ता.धरणगाव) असं मृत तरुणाचं नाव आहे.
धरणगाव आणि पिंप्रीच्या दरम्यान, चैताली जिनिंगच्या पुढील नागमोडी वळणार दुचाकीस्वार तरुणाला आयशर (क्र. एम.एच.१८.बी.झेड.०६२२) ने दुचाकीला जोरदार धडक दिली. यात दुचाकीस्वार गजानन पाटील यांचा जागीच मृत्यू झाला. दरम्यान, अपघाताची माहिती मिळताच धरणगावचे पोलीस निरीक्षक उद्धव ढमाले यांच्यासह खुशाल पाटील, दीपक पाटील, समाधान भागवत यांनी भेट दिली. दरम्यान, शेवटचे वृत्त हाती आले तेव्हा धरणगाव पोलिसात गुन्हा दाखल करण्याची प्रक्रिया सुरु होती.
