मुक्ताईनगर (प्रतिनिधी) – तालुक्यातील बेलसवाडी फाट्याजवळ दुचाकीला ट्रकने दिलेल्या धडकेत पती-पत्नीचा दुर्दैवी मृत्यू झाला, तर त्यांच्या सोबत असलेले ८ महिन्यांचे बाळ आश्चर्यकाररित्या बचावले आहे. रावेर तालुक्यातील कोचूर येथील हे दाम्पत्य द्वार दर्शनासाठी जात असताना ही दुदैवी घटना घडली असून यामुळे परिसरात शोककळा पसरली आहे.
तालुक्यातील बेलसवाडी फाटा येथील मरिमाता मंदिराजवळ आज सकाळी ८ वाजेच्या सुमारास भरधाव आयशरने दिलेल्या धडकेत दुचाकीवरील पती-पत्नीचा यांचा जागीच मृत्यू झाला. तर या अपघातात सुदैवाने ८ महिन्यांचे बाळ बचावले आहे. मृतांमध्ये गजानन हिरामण पाटील व त्यांच्या पत्नी अश्विनी गजानन पाटील यांचा समावेश आहे. हे दोन्ही पती-पत्नी रावेर तालुक्यातील कोचूर येथील रहिवासी असल्याची माहिती समोर आली आहे. हे दांपत्य आपल्या ८ महिन्यांच्या बाळाला सोबत घेवून द्वार दर्शनासाठी जात असताना ही दुर्दैवी घटना घडली. या भीषण अपघात त्यांच्यासोबत असलेले लहान बाळ चमत्कारिकरित्या बचावले आहे. घटनेनंतर परिसरात हळहळ व्यक्त केले जात असून स्थानिक नागरिकांनी तत्काळ मदतकार्य सुरू केले. तर, पोलिसांनी घटनास्थळी धाव घेत पंचनामा सुरू केला असून अपघाताचे नेमके कारण शोधले जात आहे.
