जळगाव (प्रतिनिधी) जळगाव जिल्हा मुस्लिम मानियार बिरादरीचे अध्यक्ष फारुख शेख यांनी जळगावात रेमडेसिव्हर इंजेक्शन सर्वप्रथम १०५० रुपयात उपलब्ध करून दिले होते. मात्र, आता मुंबई येथील मित्र परिवार यांच्या सहकार्याने जळगावात रेमडेसिव्हर इंजेक्शन हे ७४९ रुपयात उपलब्ध करून देण्यात आले आहे.
जळगाव जिल्ह्यात सोशल मीडियाच्या माध्यमाने सुरू असलेल्या चर्चेत अकोला येथील दत्त मेडिकल जर ७५० रूपयांना इंजेक्शन देत असेल तर जळगावला का मिळू शकत नाही ? हा विषय चर्चिला जात होता. याबाबत जळगाव जिल्हा मुस्लिम मानियार बिरादरीचे अध्यक्ष फारुख शेख यांनी जळगावात रेमडेसिव्हर इंजेक्शन सर्वप्रथम १०५० रुपयात उपलब्ध करून दिला असल्याने त्यांनी या चर्चेत जळगावातील आपल्या मित्र परिवार व मुंबई येथील मित्र परिवार यांच्या सहकार्याने जळगावात रेमडेसिव्हर इंजेक्शन हे ७४९ रुपयात उपलब्ध करून दिले व आज मंगळवारी सदरचे इंजेक्शन जळगावातल्या के परविन मेडिकल स्टोरमध्ये विक्रीला उपलब्ध केले आहे. सदरचे इंजेक्शन घेणेसाठी मेडिकल स्टोअरला कुपन दिल्यावरच त्यांना इंजेक्शन मिळणार आहे. जे रुग्ण अगदी गरीब असून रेमडेसिव्हरचा खर्च उचलू शकत नाही त्यांना संपूर्ण ६ इंजेकशन मोफत देण्यात येईल, असे सुद्धा फारूख शेख यांनी कळविले आहे.
सिटी स्कॅन व रक्त तपासणी साठी विशेष सूट
बिरादरीने यापूर्वी एच आर सिटी तपासणी सुद्धा फक्त १८०० रुपयात व सम्पूर्ण कोविड रक्त तपासणी फक्त १३०० रुपयात उपलब्ध करून दिलेली आहे. जळगाव मुस्लिम मानियार बिरादरीच्या कोविड रुग्णांसाठी महाराष्ट्रात जळगाव मानियार पॅटर्न म्हणून ओळखले जात आहे. अधिक माहिती साठी संपर्कासाठी ९४२३१८५७८६ यावर संपर्क साधण्याचे आवाहन केले आहे.
