धरणगाव (प्रतिनिधी) जवाहर शिक्षण प्रसारक मंडळाच्या वतीने दिनदर्शिकेचे प्रकाशन विजय रायसिंग (समाज कल्याण अधिकारी जि. प. जळगाव), भरत चौधरी (वै.सा.का.जळगाव) यांच्या प्रमुख उपस्थितीमध्ये प्रकाशन सोहळा पार पडला.
समाज कल्याण अधिकारी यांनी संस्थेच्या ह्या उपक्रमाचे कौतुक करून शाळेत होतं असलेल्या विविध कौशल्यांचे दिनदर्शिकेत केलेली मांडणी प्रेरणादायी असल्याचे म्हटले तर भरत चौधरी यांनी संस्थेस पुढिल वाटचालीस शुभेच्छा दिल्या. याप्रसंगी मूकबधिर विद्यालयाचे मुख्याध्यापक वाल्मिक पाटील, मतिमंद विद्यालयाचे मुख्याध्यापक ऋषिकेश जाधव, राहुल पाटील (विशेष शिक्षक जळगाव) तसेच रामकृष्ण पाटील, नंदकुमार पाटील, दीपक जाधव, संतोष भडांगे, किशोर पाटील, चंद्रराव पाटील, अनंत जाधव, दिलीप पाटील, उमेश पाटील, कल्पनाबाई ठाकरे तसेच सर्व शिक्षक शिक्षकेतर कर्मचारी वृंद उपस्थित होते. तसेच कार्यक्रमाचे सूत्रसंचालन संतोष भडांगे सरांनी केले व प्रास्ताविक रामकृष्ण पाटील यांनी केले तसेच आभार मतिमंद विद्यालयाचे मुख्याध्यापक ऋषिकेश जाधव यांनी केले.
