एरंडोल ता. कासोदा (प्रतिनिधी) ईनामी शेत जमीनीच्या हिस्से वाटणीच्या वादातून वृद्ध शेतकऱ्यास आत्महत्येस प्रवृत्त केल्याप्रकरणी तिघांविरुद्ध गुन्हा दाखल करण्यात आला आहे. संतोष माधवराव सोनोने (वय, ७३ रा. रा. उत्राण, ह.मु.चिंचवड, पुणे) असे मयत शेतकऱ्याचे नाव आहे.
या संदर्भात मयत संतोष माधवराव सोनोने यांचा मुलगा कैलास संतोष सोनोने यांनी दिलेल्या फिर्यादीत म्हटले आहे की, संशयित आरोपी ) भिकन मोहन कोळी २) मालुबाई भिकन कोळी ३) ज्ञानेश्वर भिकन कोळी (सर्व रा.उत्राण ता.एरंडोल) यांनी ईनामी शेत जमीनीच्या हिस्से वाटणीवरुन संतोष सोनोने यांच्यासोबत वाद करुन त्यांना शिवीगाळ व मारहाण करुन जिवे मारण्याची धमकी दिली होती. तसेच संशयित आरोपी हे संतोष सोनोने यांच्यावर कायम पाळत ठेऊन असायचे. त्यामुळे ३ जून रोजी त्यांनी घरात गळफास घेऊन आत्महत्या केली. यानंतर मुलगा कैलास सोनोने यांनी त्यांच्यावडिलांनी मृत्युपूर्वी लिहिलेली सुसाईट नोट पोलीसा समक्ष हजर केली. यावरून तिघांविरुद्ध वृद्ध शेतकऱ्यास आत्महत्येस प्रवृत्त केल्याप्रकरणी गुन्हा दाखल करण्यात आला असून पुढील तपास सपोनि निता मोतीलाल कायटे ह्या करीत आहेत.
