जळगाव (प्रतिनिधी) एका कंपनीचे शेअर खरेदी केल्यानंतर त्यातून ५८ हजार ५०० रुपये खात्यावर जमा झाल्याने विश्वासातून केलेल्या गुंतवणुक करीत वैद्यकीय प्रतिनिधीची (एमआर) ८ लाख २२ हजार रुपयांमध्ये फसवणूक केली. दि. १९ फेब्रुवारी ते दि. ४ मे दरम्यान घडली, या प्रकरणी सावित्री व रमेशचंद्र भुतडा असे नावे सांगणाऱ्यांविरुद्ध सायबर पोलिस ठाण्यात गुन्हा दाखल करण्यात आला आहे.
२०२३मध्ये एका व्हॉटसअॅप ग्रुपमध्ये केले जॉईन !
शहरातील हाजी अहमद नगर परिसरातील एक तरुण औषधी कंपनीत वैद्यकीय प्रतिनिधी म्हणून नोकरीस आहे. त्यांना सप्टेंबर २०२३मध्ये एका व्हॉटसअॅप ग्रुपमध्ये जॉईन करण्यात आले. त्यामध्ये एका कंपनीच्या शेअरमधून झालेल्या नफ्याबाबत माहिती टाकली जात होती. त्या वेळी त्यांनी गुंतवणूक कशी करावी, याविषयी विचारणा केली. त्यानंतर सावित्री नाव सांगणाऱ्याने त्यांना मॅसेज करून कंस्टमर केअर क्रमांक दिला. त्यावर संपर्क केला असता त्यांना एक लिंक पाठविण्यात आली. ती ओपन केल्यानंतर अॅप इंस्टॉल झाले व त्यांचे खाते दिसू लागले. त्यानंतर या एमआरला कमीत कमी १० हजार रुपये भरण्यास सांगितले. तसेच एका कंपनीच्या नावाचे शेअर घेण्यास सांगितले. त्यानुसार त्यांनी १० हजार रुपयांचे शेअर घेतले. ते त्यांना विकण्यास सांगितले असता त्यांना ८०० रुपये नफा झाल्याचे दिसले.
सुरुवातीला शेअरमध्ये ८०० रुपयांचा !
आठ लाख रुपये पहिल्या शेअरमध्ये ८०० रुपयांचा नफा झाल्याने अधिक नफ्याच्या अमिषाने एमआरने अधिक गुंतवणूक करण्यास सुरुवात केली. दि. २० मार्च रोजी त्यांनी ५८ हजार ५०० रुपये काढण्याची विनंती केली असता त्यांच्या बँक खात्यावर ते जमा झाले. त्यामुळे त्यांचा यावर विश्वास बसला. त्यामुळे वेळोवेळी एकूण आठ लाख २२ हजार रुपये ऑनलाईन देत गुंतवणूक करत गेले.
३५ लाख रुपये नफा झाल्याचे दिसत होते डिजिटल स्वरुपात !
एमआरने ८ लाख २२ हजार रुपये भरल्यानंतर त्यावर त्यांना ३५ लाख रुपये नफा झाल्याचे डिजिटल स्वरुपात दिसत होते. त्यामुळे त्यांनी ती रक्कम काढण्याचा प्रयत्न केला. मात्र ती रक्कम निघत नव्हती. यासाठी त्यांनी सावित्री नामक महिलेशी संपर्क केला. मात्र त्यांचे कॉल घेतले जात नव्हते.
फसवणूक झाल्याचे कळताच दिली तक्रार !
या विषयी त्यांना संशय आल्याने त्यांनी ओळखीच्या मंडळींकडे विचारणा केली. त्या वेळी त्यांना समजले की, त्यांची फसवणूक करण्यात आली. त्यानुसार त्यांनी सायबर पोलिस ठाण्यात फिर्याद दिली. त्यावरून दोघांविरुद्ध गुन्हा दाखल करण्यात आला आहे. पुढील तपास पोलिस निरीक्षक दत्तात्रय निकम करीत आहेत.
