धरणगाव (प्रतिनिधी) भावी कुस्तीपटूंना पाच लाखाची मॅट व साहित्य भेट दिल्यानंतर धरणगाव श्री व्यायाम प्रसारक मंडळातर्फे पालकमंत्री गुलाबरावजी पाटील यांचे नुकतेच आभार मानण्यात आले. यावेळी शालश्रीफळ देऊन त्यांचा सत्कार करण्यात आला.
धरणगाव श्री व्यायाम प्रसारक मंडळ संचलित व्यायाम शाळेत अनेक तरुण हे कुस्तीचा सराव करत आहे. या तरुणांनी एक चांगले कुस्तीपटू होऊन देशाचे नाव उज्वल करावे याकरिता या तरुणांना प्रशिक्षण दिले जात आहे. या तरुणांना सराव करताना अडचणी यायला नको याकरिता पालकमंत्री गुलाबरावजी पाटील यांनी पाच लाख रुपये किमतीची मॅट तसेच इतर कुस्तीचे साहित्य भेट स्वरूपात दिले.
या साहित्यामुळे तरुणांना कुस्तीचा सराव करताना कोणत्याही प्रकारचा त्रास होणार नाही. व्यायाम शाळेला हे साहित्य दिल्याबद्दल मंडळातर्फे गुलाबरावजी पाटील यांचा रविवारी सत्कार करण्यात आला. यावेळी अध्यक्ष भानुदास विसावे, खजिनदार कमलेश तिवारी, देविदास महाजन, गुरु पहेलवान, जीवनआप्पा बयस, नारायण महाजन, शरद भोई, गोविंद पूरभे, जितेंद्र पूरभे, विजय शुक्ल, बापू माळी, नितीन महाजन यांसह पदाधिकारी उपस्थित होते. यावेळी पालकमंत्री गुलाबरावजी पाटील यांनी तरुणांना वेळोवेळी जी मदत लागेल ती पुरविण्याचे आश्वासन देखील दिले. या मदतीमुळे कुस्तीपटू तरुणांनी पालकमंत्र्यांचे आभार मानले.
