जळगाव (प्रतिनिधी) जळगाव शहरातील जुन्या अपार्टमेन्ट मधील सर्व फ्लॅटधारकांना मिळून फक्त एकच नळ कनेक्शन देण्याच्या नियमाविरूद्ध एकत्रित येऊन सनदशीर मार्गाने लढा देण्यासाठी दि. १९ जून २०२२ रविवार रोजी सकाळी ११ वाजता पद्मालय विश्रामगृह, जळगाव येथे आयोजित करण्यात आली आहे.
मनसेचे जिल्हाध्यक्ष अँड. जमील देशपांडे बैठकीत जुन्या फ्लॅट धारकांना मार्गदर्शन करणार आहे. जळगाव शहरातील सर्व जुन्या अपार्टमेन्ट धारकांना आवाहन करण्यात येते की, आपण आपल्या अपार्टमेन्ट मधील सर्व फ्लॅट धारकांच्या संमतीने सर्वांना वेगवेगळे नळ कनेक्शन मिळणेकामी संमती असलेबाबतचा अर्ज दि. १९ जून २०२२ रोजी बैठकीला येतांना घेऊन यावा. बैठकीत सर्व कायदेशीर बाबींवर चर्चा करण्यात येईल व पुढील दिशा ठरवली जाणार आहे.
