मुंबई (वृत्तसंस्था) सामाजिक न्याय मंत्री धनंजय मुंडे यांच्याविरोधात पत्नी करुणा शर्मा-मुंडे यांनी आज घेतलेल्या पत्रकार परिषदेत, ‘धनंजय मुंडेंच्या दबावामुळेच माझ्या आईने आत्महत्या केल्याचा’ गंभीर आरोप केला आहे. करुणा शर्मा (Karuna Sharma) मुलगी शिवानीला सोबत घेऊन पत्रकार परिषद घेणार होत्या. पण ऐनवेळी मुलगी पत्रकार परिषदेस गैरहजर राहिली.
‘धनंजय यांच्या सांगण्यावरून मी बहिणीला घराबाहेर काढले. मी मंत्री महोदय यांच्यावर विश्वास ठेवला. मात्र मंत्री महोदय यांनीच माझा बहिणीच्या मोबाइलवर मेसेज केले. यानंतर मी आत्महत्या करण्याचा प्रयत्न केला. मंत्री धनंजय मुंडे याच्या दबावामुळे आमच्यावर गुन्हे दाखल करत अटकेची कारवाई केली. मी मुंडे यांची पहिली बायको असून त्याचे माझाकडे पुरावे आहे. मी आजपर्यंत माझं तोंड उघडलं नाही. मी आजपर्यंत त्यांची इज्जत करत होती, मुंडे यांच्या दबावामुळेच माझा आईने आत्महत्या केली. २००८ पासून मुंडेंवर विश्वास ठेवून बहिणींशी बोलत नाही. माझा आईची मुंडेंनी हत्या केली, असा गंभीर आरोप करुणा मुंडे यांनी केला.
मुंडेंनी मंत्रिपदाचा गैरवापर केला. शरद पवारांनी मुंडेंना मंत्रिपदावरून हकलं पाहिजे. माझापासून दोन मुलांना जन्म देऊन आम्हाला रस्त्यावर सोडलं. मी माझा बहिणीला जेल मध्ये भेटायला गेले. धनंजय मुंडे यांचे अन्य महिलांशीही अनैतिक संबध आहेत याचे पुरावे माझाकडे आहेत, असा आरोपही करुणा शर्मा यांनी केला. छत्रपतीच्या नावाने राजकारण करणारे आज का नाही बोलत. सुप्रिया ताई यांच्याकडे न्यायासाठी अनेकदा विनंती केली मात्र कोणताही प्रतिसाद मिळाला नाही. माझी एकच मागणी आहे त्यांच्याकडे धनंजय मुंडे यांना मंत्रिपदावरून हकलावे. धनंजय मुंडे यांनी इतर महिलांनाही दबाव टाकून गप्प केले आहेत. धनंजय मुंडे यांच्यावर माझा बहिणीने केलेले आरोप लवकरच माझी बहिण त्याचे पुरावे देईल, असंही करुणा शर्मा म्हणाल्या.
मी मुंडेंवरील बलात्काराचा गुन्हा लवकरच उचलून धरणार आहे, माझा बहिणीला मुली प्रमाणे सांभाळण्याची ग्वाही देत होते मात्र, मुलीसोबत असे गैरकृत्य केले. मी सीबीआयकडे ही चौकशीची मागणी केली आहे. धनंजय मुंडे 10 नंबरहून का बोलतात एका वेश्याचेही दहा नंबर नसतात मग मुंडे नेमके बोलतात कुणाशी? मी धनंजय मुंडेंविरोधात दिलेल्या तक्रारीबाबत कुठलीच कारवाई होत नाही. राष्ट्रवादी काँग्रेस धनंजय मुंडे याना पाठीशी घालत आहे, असा आरोपही त्यांनी केला. मी पवारसाहेबांची आतापर्यंत इज्जत करत होती मात्र या प्रकरणात अशा लोकांना ते पाठीशी घालत आहे. हे पाहून वाईट वाटत आहे. माझी मुलगी ही परिषद घेणार होती मात्र तिला धमकी येत असल्यामुळे ती आली नाही, असा आरोपही त्यांनी केला.
