धरणगाव (प्रतिनिधी) एकशे सहा वर्षाची उज्ज्वल परंपरा असलेल्या महाराष्ट्रातील नामवंत शतकोत्तरी पी. आर. हायस्कूलचा माजी विद्यार्थी रामदास सखाराम महाजन हा भारतीय सैन्यदलात अतिशय खडतर आणि बर्फाच्छादित असलेल्या लड्डाख सीमेवर तैनात आहे. आज त्याने दहावीच्या २००२ च्या आपल्या बॅचच्या मित्रांसह शाळेला भेट दिली असता शाळेच्या वतीने त्याचे स्वागत आणि सत्कार करण्यात आला. यावेळी या विद्यार्थ्यांनी आपले आवडते शिक्षक मुख्याध्यापक झाले म्हणून डॉ. संजीवकुमार सोनवणे यांचा सत्कार केला.
ज्या शाळेने मला घडवले त्या शाळेविषयी आत्मियता व्यक्त करण्यासाठी त्याने आज आपल्या दहावीच्या २००२ च्या बॅचच्या मित्रांसह शाळेला भेट दिली. याप्रसंगी संस्थेचे अध्यक्ष डॉ. अरुण कुलकर्णी, सचिव डॉ. मिलिंद डहाळे, संचालक अजय पगारीया आणि मुख्याध्यापक डॉ. संजीवकुमार सोनवणे यांनी त्याचे स्वागत आणि सत्कार केला.याच बॅचच्या माजी विद्यार्थ्यांतर्फे त्यांचे त्यावेळचे आवडते मराठीचे शिक्षक डॉ. संजीवकुमार सोनवणे हे मुख्याध्यापक झाले म्हणून त्यांचा सत्कार करण्यात आला. यावेळी उपमुख्याध्यापक आय. के. सपकाळे, पर्यवेक्षिका आशा शिरसाठ आणि २००२ च्या बॅचचे प्रतीक जैन, अमोल बडगुजर, डॉ. मनोज अमृतकर, डॉ. अक्षय भावे, अॅड. नंदन पाटील, चेतन जाधव, सुदर्शन वाणी, भुषण पालिवाल,दिनेश माळी, इंजिनिअर चेतन पाटील, सुशांत नेमाडे, किरण महाजन, सुकेतन महाजन हे माजी विद्यार्थी उपस्थित होते. जवान रामदास महाजन यांनी लड्डाख येथील खडतर वातावरणातही सैनिक देशाची सेवा कशी करत आहेत, याचे अनुभव सांगितले.
