वरणगाव (प्रतिनिधी) मेहकर येथून भुसावळ येथे जाणाऱ्या बसवर एकाने वरणगाव नजिकच्या सातमोरी पुलाजवळील हिना पार्क जवळ दगडफेक केल्याने बसमधील एक ५ वर्षीय बालिका जखमी झाल्याची घटना दुपारी ३ वाजेच्या सुमारास घडली. या प्रकरणी संशयिताविरुद्ध गुन्हा दाखल करण्यात आला आहे.
मेहकर ते भुसावळ बस ही बस मेहकरवरून भुसावळला जात होती. दुपारी ३ वाजेच्या सुमारास विशाल संजय बोंडे हा महामार्ग क्रमाक सहावरील हॉटेल आमंत्रणच्या दुचाकीवर मोबाईलचे हेड फोन लावून बसच्या पुढे आला. तसेच बस समोर दुचाकी आडवी लावून तो शिवीगाळ करू लागला. यावेळी बसचे कर्मचारी व प्रवाशी त्याला समजवण्यासाठी गेले असता त्याने दगडफेक सुरु केली.
यामध्ये बसच्ये दोन काच फुटल्यात तसेच बसमधील प्रवाशी व बुलडाणा जिल्ह्यातील गुंजखेडा (ता. लोणार ) देवांशी स्वप्नील सुलताने (वय ५) या बालिकेच्या डोक्यावर दगड लागल्याने ती जखमी झाली. तर विशाल बोंडे याने वाहक श्री. पिंगळे यांना देखील मारहाण केली. या प्रकरणी भुसावळ डेपोचे बस चालक योगेश यशवंत सांवळे ( वय ३९, रा. खेडी बुद्रुक) यांच्या फिर्यादीवरून विशाल बोंडे याच्याविरुद्ध गुन्हा दाखल करण्यात आला आहे. या प्रकरणाचा सहाय्यक पोलिस निरीक्षक आशिषकुमार आडसूळ यांच्या मार्गदर्शनात हवलदार नागेंद्र तायडे करत आहेत. संशयितास अटक करण्यात आली आहे.
