जळगाव (प्रतिनिधी) दहा कोटी रुपयांचे कर्ज मिळवून देण्याच्या नावाने कर्ज मंजूरीसाठी खोटे ईमेल, खोटी बँक गॅरंटीचे कागदपत्रे ई-मेलवर टाकू ती खरी असल्याचे भासविले. त्यापोटी ७७ लाख ८ हजार रुपये वेगवेगळ्या बँक खात्यावर ट्रान्सफर करण्यास सांगून नामदेव पौलाद पाटील (वय ५४, रा. हायवेदर्शन कॉलनी) यांची फसवणुक केल्याची घटना उघडकीस आली आहे. याप्रकरणी कौशिक भट्टाचार्य, ताराचंद बेनिवाल, रोहीत सिंग, नईम खान, अतुल शर्मा, अभिषेक श्रीवास्तव, आदित्य सिंग यांच्याविरुद्ध जिल्हापेठ पोलीस ठाण्यात गुन्हा दाखल करण्यात आला आहे.
शहरातील नामदेव पाटील यांची गुरुकृपा इंडस्ट्रीज नावाची कंपनी असून त्याच्या माध्यमातून ते बिल्डरशीप व ऑईल उत्पादक व शेती संदर्भातील व्यवसाय करतात. जून २०२१ मध्ये त्यांचे मित्र रविंद्र आत्माराम सोनवणे यांच्या माध्यमातून त्यांची ताराचंद बेनीवाल यांच्यासह कौशिक भट्टाचार्य रा. कोलकत्ता यांच्यासोबत ओळख झाली.
कर्ज मंजुरीसाठी तयार केले बनावट कागदपत्रे
भट्टाचार्य यांनी नामदेव पाटील यांना मी अधिकृत नॉन बँकींग फायनान्स बँक गॅरंटी काढून देवून त्यावर ग्राहकांना व्यावसायीक कर्ज उपलब्ध करुन देण्याचे काम करतो. त्यापोटी कर्जाच्या पाच टक्के कमिशन घेतो, असे सांगितले. पाटील यांना व्यवसाय वाढीसाठी कर्जाची गरज असल्याने त्यांनी होकार दिला. त्यानुसार भट्टाचार्य याने १० कोटी ७५ लाख रुपयांची बँक गॅरंटी मिळवून देईल, त्याचे ९० टक्के रक्कम कर्ज म्हणून देण्याचे निश्चित झाले होते. त्यानुसार नामदेव पाटील यांनी त्यांच्यासह त्यांचा मुलगा आणि पत्नीच्या नावे कर्जासाठी लागणारी कागदपत्रे त्यांच्याकडे दिली. काही महिन्यानंतर १०. ७५ कोटी रुपयांची बँक गॅरंटी ईमेलद्वारे त्यांना प्राप्त झाली. त्यावर बँक ऑफ बडोदा येथील बँक मॅनेजरचा सही शिक्का असल्यामुळे त्यांचा प्रकाश निशादराज यांच्यावर विश्वास बसला.
आरटीजीएसद्वारे पैसे केले ट्रान्सफर !
वेळोवेळी नामदेव पाटील यांनी आरटीजीएसद्वारे पैसे ट्रान्सफर केलो आहेत. त्यावर त्यांनी प्रकाश निशादराज यांना संपर्क करना कर्जापोटी दिलेली रक्कम परत मिळण्यासाठी तगादा लावला. परंतु त्यांनी पुन्हा बँक गॅरंटी देण्याचे अमिष दाखवून २८ सप्टेंबर २०२१ ते दि. १ मे २०२३ पर्यंत सुमारे ४१ लाख रुपये उकळले. त्यामुळे नामदेव पाटील यांना आपली फसवणुकझाल्याची खात्री झाली.
खोटी बँक गॅरंटीने फसवणूक !
ईमेलद्वारे कर्ज मिळवून देण्याचे अमिष दाखवित कर्जासाठी खोटे ईमेल, बँक गॅरंटी पाठवून ईन्फीनिटी कॅपिटल, बडोदा, अहमदाबाद या कंपनीकडून कर्ज मिळवून देण्याचे अमिष दाखवित नामदेव पाटील यांची फसवणुक केली. याप्रकरणी कौशिक भट्टाचार्य रा. कोलकत्ता, ताराचंद बेनिवाल रा. शनिपेठ, प्रकाश निशादराज रा. जिल्हापेठ, रोहीत सिंग रा. जिल्हापेठ यांच्यासह इतर चौघांविरुद्ध जिल्हापेठ पोलीस ठाण्यात फसवणुकीचा गुन्हा दाखल करण्यात आला आहे. हा तपास आर्थिक गुन्हे शाखेकडे वर्ग करण्यात आला आहे.
कमीशन, स्टॅम्प ड्युटीच्या नावाने उकळले पैसे !
कर्जाची रक्कम मिळण्यासाठी नामदेव पाटील यांच्याकडून वेळावेळी कशिमन, स्टॅम्प ड्युटी, आरबीआय डीपॉझिट, व्हिजीट खर्च स्वरुपात लाखो रुपये उकळले. तसेच बराच कालावधी उलटन देखील कर्जाची रक्कम मिळत नसल्याने पाटील हे कौशिक भट्टाचार्य, ताराचंद बेणीवाल यांच्यासोबत बडोदा येथील फायनान्स कंपनीच्या कार्यालयात गेले. परंतु त्याठिकाणी त्या कंपनीचे कार्यालय मिळून आले नाही.
