जळगाव (प्रतिनिधी) – घराच्या दरवाजाचे कुलूप तोडून चोरट्यांनी शाहीन बी खालीद पटेल (वय ३८, रा. सुप्रिम कॉलनी, खुबा मशिदजवळ) यांच्या घरात प्रवेश केला. त्यानंतर कपाटातील लॉकरमध्ये ठेवलेले सोन्याच्या दागिन्यांसह ३० हजार रुपयांची रोकड असा एकूण ७० हजार रुपयांचा ऐवज चोरुन नेला. ही घटना दि. ४ रोजी मध्यरात्रीच्या सुमारास सुप्रिम कॉलनीत घडली. याप्रकरणी
अज्ञात चोरट्यांविरुद्ध एमआयडीसी पोलिसात गुन्हा दाखल करण्यात आला आहे.
शहरातील सुप्रिम कॉलनीत राहणाऱ्या शाहीन बी खालीद पटेल या कुटुंबियांसह वास्तव्यास आहे. दि. ४ मे रोजी रात्रीच्या सुमारास त्यांच्या घराच्या दरवाजाचे कुलूप तोडून चोरट्यांनी आत प्रवेश केला. त्यानंतर कपाटातील लॉकरमध्ये ठेवलेले ६ ग्रॅम वजनाचे सोन्याची रिंग, २ ग्रॅमचे चापे,डिस्को मणी, ५ भार वजनाचे चांद आणि ३० हजार रुपयांची रोकड अस एकूण ७० हजार रुपये किंमतीचा ऐवज चोरट्यांनी चोरन नेला. ही घटना दुसऱ्या दिवशी सकाळच्या सुमारास उघडकीस आली. त्यानंतर दि. ९ मे रोजी शाहीन बी खालीद पटेल यांनी एमआयडीस पोलिसात तक्रार दिली. त्यानुसार अज्ञात चोरट्याविरुद्ध गुन्हा दाखल करण्यात आला आहे. तपास पोहेक गिरीष पाटील हे करीत आहे.
