धरणगाव (प्रतिनिधी) येथील चिंतामण मोरया परिसरातून आज सकाळी दोन मोटारसायकली चोरीला गेल्याचे उघडकीस आले आहे. दरम्यान, अवघ्या एक दिवसापूर्वीच शहरात दोन ठिकाणी घरफोडी झाली होती.
चिंतामण मोरया परिसरातून संजय चौधरी यांची डिस्कवर (MH 19 AR 2205) व श्री स्वामी समर्थ केंद्र जवळून पत्रकार कल्पेश महाजन यांची (MH 19 DB 2134) ही बजाज प्लॅटिना दुचाकी चोरीला गेली आहे. शहरात चोरीचे प्रमाण वाढत असल्याने नागरिकांमध्ये भीतीचे वातावरण निर्माण झालेले आहे. पोलीस प्रशासनाने रात्रीची गस्त वाढवावी अशी मागणी होत आहे. दरम्यान, अवघ्या एक दिवसापूर्वी शहरात दोन ठिकाणी घरफोडी झाली होती. त्यावेळी साधारण अडीच ते तीन लाखाचा ऐवज चोरीला गेला होता.
