धरणगाव (प्रतिनिधी) धरणगाव शहरासह परिसरात विवीध शाळांमध्ये जागतिक योग दिन उत्साहाच्या वातावरणात साजरा करण्यात आला.
बालकवी ठोंबरे व सारजाई कुडे विद्यालय
धरणगाव येथील सारजाई कुडे व बालकवी ठोंबरे प्राथमिक शाळेत आज रोजी जागतिक योग दिवस साजरा करण्यात आला. शाळेतील उपशिक्षक आर.डी. महाजन (योगतज्ञ), क्रीडाशिक्षक एस.एल.सूर्यवंशी सोबत योगाची माहिती देणारे सुदाम चौधरी यांनी डेमो दिला. याप्रसंगी प्राथमिक विभागाचे मुख्याध्यापक जीवन पाटील,माध्यमिक विभागाचे मुख्याध्यापक एस.एस.पाटील सोबत सर्व शिक्षक, शिक्षिका व शिक्षकेतर कर्मचारी उपस्थित होते. विशेष म्हणजे घरी सर्व विद्यार्थ्यांना थेट प्रेक्षपणाने योगा दाखवण्यात आला. या उपक्रमात सर्व विद्यार्थी, पालक सहभागी झालेत.
भारतीय जनता पार्टी
धरणगाव भारतीय जनता पार्टीच्यावतीने जागतिक योग दिन निमित्ताने योग दिवस दि. २१ जून रोजी बालकवी ठोंबरे विद्यालय प्रांगणात सकाळी ६.४५ वाजता आयोजित करण्यात आला. त्याप्रसंगी गटनेते कैलास माळी यांनी योग प्रशिक्षण दिले, योगासन करतांना भाजप नेते शिरिष बयस,ओबीसी जिल्हाध्यक्ष अँड.संजय महाजन,तालुकाध्यक्ष जिजाबराव पाटील,शहराध्यक्ष दिलीप महाजन, नगरसेवक ललित येवले, भालचंद्र माळी, टोनी महाजन, सुनील चौधरी, कन्हैया रायपूरकर, किशोर माळी, निलेश महाजन, विक्की महाजन, इत्यादी कार्यकर्ते पदाधिकारी उपस्थित होते.
आनोरे विद्यालय
तालुक्यातील आनोरे येथील बी.जे.महाजन विद्यालयात जागतिक योग दिन साजरा करण्यात आला. कोरोना च्या पार्श्वभूमीवर सर्व नियमांचे पालन करून योग दिन साजरा करण्यात आला. ऑनलाईन झूम अपवरून विद्यार्थी मोठ्या प्रमाणावर उपस्थित राहून योग दिन उत्साहाच्या वातावरणात साजरा करण्यात आला.
यावेळी क्रीडा शिक्षक योगाचे महत्त्व सांगून योग प्रात्यक्षिक करून दाखवले शाळेचे मुख्याध्यापक एम एस चौधरी यांनी आजच्या काळात योगाचे अनन्यसाधारण महत्त्व या विषयावर मार्गदर्शन केले. यावेळी ए.के. पाटील, बी आर महाजन,एच.आर.महाजन, के आर महाजन ,डी बी महाजन, ए.ए.पाटील, के ऐ वारूळे, एस एम महाजन यांचे मार्गदर्शन लाभले.
