मुंबई (वृत्तसंस्था) एनसीबीच्या चौकशीदरम्यान अभिनेत्री रिया चक्रवर्तीने ड्रग्ज सेवन केल्याची कबुली दिल्याची माहिती समोर आली आहे.
एनसीबीने विचारलेल्या प्रश्नाचे उत्तर देताना रियाने ड्रग्ज घेतल्याची कबुली दिली. एनसीबी अधिकाऱ्यांनी जर तू ड्रग्जचे सेवन करत नसशील, तर तू ड्रग्ज तस्कर आहेस आणि हाही एक भयंकर गुन्हाच आहे, असे दटावल्यानंतर रियाने आपण ड्रग्जचे सेवन केल्याची कबुली दिली, असे वृत्त रिपब्लिक वाहिनीने दिले आहे. दरम्यान, अभिनेत्री रिया चक्रवर्तीला २२ सप्टेंबरपर्यंत भायखळ्याच्या तुरुंगात ठेवण्यात येणार आहे. प्रख्यात अभिनेता सैफ अली खानची मुलगी आणि अभिनेत्री सारा अली खान, अभिनेत्री रकुल प्रीत सिंग आणि फॅशन डिझायनर सिमॉन खंबाटा यांची नावं एनसीबीच्या चौकशीत आरोपी अभिनेत्री रिया चक्रवर्तीने घेतल्याचा दावा केला जात आहे. दरम्यान रियाने ड्रग्ज कनेक्शनमध्ये नार्कोटिक्स कंट्रोल ब्युरोला बॉलिवूडमधील २५ कलाकारांची यादी दिल्याची धक्कादायक माहिती आहे.
