पाळधी ता. धरणगाव (शहाबाज देशपांडे) : पाळधी खुर्द ग्रामपंचायतचे प्रभाग रचना नुकतेच जाहीर झाले असून प्रभाग रचनेवर वार्ड क्रमांक एक आणि दोन मधून एकूण आठ जणांनी हरकत घेतली आहे. त्याची सुनावणी २० रोजी एरंडोल येथील प्रांत कार्यालयात होणार आहे.
पाळधी खुर्द ग्रामपंचायतची मुदत संपली असून येथे सध्या प्रशासक राज आहेत. शासनाने निवडणूक घेण्यासाठी हालचाली सुरू केले असून सुरुवातीला प्रारूप प्रभाग रचना करून ती जाहीर केली आहे.
या प्रभाग रचनेवर वार्ड क्रमांक एक आणि दोन सामाजिक कार्यकर्ते, आजी-माजी सदस्यांनी हरकत घेतली आहे. यात या दोन्ही वार्डाला जवळचा असणारा भाग गल्ली वगळून लांबच्या तसेच अडचणीच्या भाग जोडण्यात आला आहे. तर यामुळे अल्पसंख्याक समाज कसा वगळला जाईल, याची काळजी घेतली गेल्याचे आक्षेप घेण्यात आला आहे.
याबाबत अरविंद मानकरी, पंचशीला मानकरी, हाफिज देशपांडे, जब्बार शेख भैय्यासाहेब, नूर एजाज शेख, अमन शेख, हारून शेख रफिक, अजीज शेख यांनी हरकत घेतली आहे. त्याची सुनावणी एरंडोल येथील प्रांत कार्यालय मध्ये दिनांक २० रोजी होणार आहे. याबाबत प्रशासन नेमकी काय भूमिका घेते, याच्याकडे सर्वांचे लक्ष लागले आहे.
