भुसावळ (प्रतिनिधी) तालुक्यातील साकेगाव शिवारातील नवोदय विद्यालयाच्या पाठीमागील शेतात एका १२ अल्पवयीन मुलाचा कापडाने गळा आवळून खून केल्याचा धक्कादायक प्रकार समोर आला होता. या प्रकरणात भुसावळ तालुका पोलिसांनी या गुन्ह्यात १७ वर्षीय अल्पवयीन मुलाला ताब्यात घेतले असल्याची माहिती जिल्हा पोलीस अधीक्षक डॉ. महेश्वर रेड्डी यांनी पत्रकार परिषदेत दिली आहे.
मयत मुलगा आणि संस्थेत अल्पवयीन मुलगा हे दोघे सायकल चोरीचे काम करत होते. सायकल चोरी प्रकरणात दोघांचे भांडण झाले होते. या भांडणाच्या कारणावरून संशयित कल्पनाने मयत अनिल आव्हाड याचा कापडाने गळा आवळून फोन केला होता दरम्यान, भुसावळ तालुक्यातील साकेगाव शिवारातील नवोदय विद्यालयाच्या मागील शेतात अनिल कैलास आव्हाड, (वय-१२ रा. लोखंडी पुलाजवळ, भुसावळ) याचा कुजलेल्या अवस्थेत 16 जुलै रोजी मृतदेह आढळून आला होता. या घटनेमुळे भुसावळ तालुक्यात खळबळ उडाली होती या घटनेबाबत भुसावळ तालुका पोलीस ठाण्यात गुन्हा दाखल करण्यात आला होता. या गुन्ह्याचा तपास सुरू असताना या खुनाचा उलगडा जळगाव तालुका पोलिसांनी केला असून या घटनेतील विधी संघर्षित १७ वर्षीय बालकाला पोलिसांनी ताब्यात घेतले आहे. अशी माहिती जिल्हा पोलीस अधीक्षक डॉक्टर महेश्वर रेड्डी यांनी सायंकाळी पत्रकार परिषदेत दिली आहे.
