धरणगाव (प्रतिनिधी) सोनवद रस्त्यावरील स्मशानभूमीतील बंद खोलीत दारूच्या बाटल्या, झोपण्यासाठी गादी आणि कंडोमची पाकिटं आढळून आल्यानंतर या ठिकाणी वासनाकांड घडलंय का?, असा प्रश्न उपस्थित झाल्यानंतर गावात प्रचंड खळबळ उडाली होती. याप्रकरणी आता पालिका प्रशासनने संबधित मक्तेदाराला कारणे दाखवा नोटीस बजावल्यानंतर कायदेशीर गुन्हा दाखल करणार आहे.
या संदर्भात अधिक असे की, सोनवद रोडवरील स्मशाभभूमीत एका खोलीत दारूच्या बाटल्या, गादी, ताट, तांब्या, कंडोमचे पाकिट, तेलाचे डबे, ग्लास, एका पिशवीत कांदे, इतर पदार्थ आणि काही दुचाकी गांड्या नंबर प्लेट आढळून आल्या होत्या. त्यानंतर भाजपा ओबीसी आघाडीचे जिल्हाध्यक्ष अॅड. संजय महाजन यांनी घटनास्थळी वासनाकांड घडले असू शकते?, असा संशय व्यक्त करत या प्रकरणाची पालिका प्रशासनाने तसेच पोलीस प्रशासनाने दखल घेत सखोल चौकशी करावी, अशी मागणी केली होती.
मुख्याधिकारी जनार्दन पवार यांनी या प्रकरणाची गंभीर घेत ज्या मक्तेदाराकडे या स्मशानभूमीच्या देखरेखीचे काम दिले होते. त्या मक्तेदाराला कारणे दाखवा नोटीस बजावणार आहेत. तसेच त्यांनाच याबाबत गुन्हा दाखल करण्याच्या सूचना करण्यात येणार आहेत. दरम्यान, मक्तेदाराने या प्रकरणी दिरंगाई केल्यास त्याच्याच विरुद्ध पालिका गुन्हा दाखल करेल, असा सज्जड इशारा देखील मुख्याधिकारी जनार्दन पवार यांनी दिला आहे. दरम्यान, नुकत्याच झालेल्या शांतता कमेटीच्या बैठकीत भाजपा ओबीसी आघाडीचे जिल्हाध्यक्ष अॅड. संजय महाजन यांनी प्रश्न उपस्थित केला होता.
दुसरीकडे पोलीस निरीक्षक शंकर शेळके यांनी पालिका प्रशासनाला घटनेबाबत माहिती दिली असल्याचे सांगितले. तसेच तक्रार द्यायला पालिका कर्मचारी आले होते. परंतू तांत्रिक चूक राहिल्यामुळे ते अर्ज परत घेऊन गेले होते. पालिका प्रशासनाने तक्रार पाठविल्यानंतर गुन्हा दाखल करण्यात येईल, असेही पो.नि. शेळके यांनी सांगितले.
