धरणगाव (प्रतिनिधी) येथील विविध कार्यकारी सोसायटीच्या निवडणूकीत ‘माविआ’ विरुद्ध भाजपा असा सामना रंगणार असल्याचे चित्र आज माघारीनंतर स्पष्ट झाले आहे.
येथील विविध कार्यकारी सोसायटीत एकूण १३ जागा असून त्यात ८ सर्वसाधारण, २ महिला, १एससी, १ एनटी आणि १ ओबीसीची जागा आहे. १३ जागांसाठी एकूण ६१ उमेदवारांनी उमेदवारी अर्ज दाखल केले होते. छाननी अंती एकूण ६१ उमेदवार रिंगणात होते. त्यापैकी आज तब्बल ३२ उमेदवारांनी माघार घेतली. त्यामुळे आता शिवसेना, राष्ट्रवादी आणि कॉंग्रेसचे पॅनल आणि त्यांच्या विरुद्ध भाजपाचे पॅनल उभे ठाकले आहे. तर या निवडणुकीच्या रिंगणात काही अपक्ष देखील आपले नशीब आजमावत आहेत. माघारीनंतर आत रिंगणात एकूण २९ उमेदवार रिंगणात उरले आहेत.
‘माविआ’च्या पॅनलचे नेतृत्व शिवसेनेचे माजी नगराध्यक्ष सुरेशनाना चौधरी तथा राष्ट्रवादीचे माजी नगराध्यक्ष ज्ञानेश्वर महाजन हे करीत आहेत. तर दुसरीकडे भाजपाच्या पॅनलचे नेतृत्व शिरीष बयस आणि अॅड. संजय महाजन हे करीत आहेत. विविध कार्यकारी सोसायटीच्या निवडणुकीकडे धरणगाव पालिकेची रंगीत तालीम म्हणून देखील बघितले जात आहे. त्यामुळे ही निवडणूक अत्यंत चुरशीची होणार असल्याचे स्पष्ट संकेत आहेत. त्यामुळेच या निवडणुकीत मोठी आर्थिक उलाढाल होणार असल्याची देखील चर्चा आहे. विविध कार्यकारी सोसायटीसाठी ५ जून रोजी मतदान होणार असून त्याचदिवशी दुपारी चार वाजेनंतर मतमोजणीला सुरुवात होणार आहे.
वैध नामनिर्देशन पत्र धारकाचे नाव
कर्जदार / खातेदार प्रतिनिधी
१. पंढरीनाथ भिवसन चौधरी
२. सुरेश सिताराम चौधरी
३. देविदास मांगो महाजन
४. कृपाराम सखराम महाजन
५. प्रकाश गिरधर महाजन
६. रमेश बुधा महाजन
७. रामकृष्ण अंबादास महाजन
८. सुनील गोविंदा महाजन
९. देवालाल काशिनाथ माळी
१०. ज्ञानेश्वर रावा माळी
११. मोतीलाल भाऊलाल माळी
१२. राहुल आनंदा माळी
१३. सुरेश पांडुरंग माळी
१४. उमेश जानकीराम माळी
१५. आशाबाई प्रभाकर पाटील
१६. मच्छिंद्र राघो पाटील
१७. गुलाब चिमण पवार
१८. रवींद्र हरी वाघ (माळी)
इतर मागास वर्गीय
१. देवालाल काशिनाथ माळी
२. दिगंबर तुकाराम माळी
महिला राखीव
१. भिकुबाई आनंदा महाजन
२. रत्‍नाबाई (पुष्पा) ज्ञानेश्वर महाजन
३. ताईबाई जगन्नाथ माळी
४. विमलाबाई भागवत माळी
वि. जा. भ. ज.
१. छोटू किसन धनगर
२. संगीता पंकज कंखरे
अनु/जाती/जमाती
१. रवींद्र मंगल भिल
२. मिराबाई रमण पारधी
३. मिलिंद संभु पवार
