धरणगाव (प्रतिनिधी) अनोरे येथील बी जे महाजन विद्यालयात येथे आज साळवा आरोग्य केंद्रामार्फत लसीकरण करण्यात आले. धरणगाव तालुक्यात प्रत्येक शाळेत लसीकरणाचे कॅम्प आयोजित करण्यात आले आहे.
वाढता कोरोनाचा प्रादुर्भाव पाहता धरणगाव तालुक्यात लसीकरण विद्यार्थ्यांवर जास्त प्रमाणात भर देण्यात येत आहे. त्याठिकाणी प्रत्येक आरोग्य केंद्रावर लसीकरण मोहीम सुरू असून विद्यार्थी देखील या मोहिमेस प्रचंड प्रतिसाद देत आहेत. लस घेतल्याने विद्यार्थी उत्साहाने आनंदित झालेले दिसून आले.
इयत्ता नववी व दहावी वय १५ ते १८ वयोगटातील विद्यार्थ्यांना आज लसीकरणचा कॅम्प लावून एकशे दहा विद्यार्थीना लस देण्यात आली. त्यावेळी साळवा येथील उपकेंद्राचे कर्मचारी आरोग्य कर्मचारी जे एस पाटील, उदय बोरसे, साधना पाटील, आशा पाटील, शाळेचे मुख्याध्यापक एम.एच.चौधरी, बी.आर.महाजम, ए.के.पाटील, आर.बी महाले, के.ए. वारुळे, किरण महाजन, बी डी सुतार यांच्यासह आदी उपस्थित होते.
