मुक्ताईनगर (प्रतिनिधी) भाजपचे आमदार गिरीश महाजन यांना पैशांचा घमेंड असून ते या जोरावर फोडाफोडीचे राजकारण निवडणूकीत करतात, असा टोला राष्ट्रवादी काँग्रेसचे युवा नेते तथा आमदार रोहित पवार यांनी आमदार गिरीश महाजन यांना लगावला. महाविकास आघाडीच्या नेत्यांवर सुरू असलेली ईडीची कारवाई ही राजकीय हेतूने असल्याचा आरोपही त्यांनी यावेळी केला.
जळगाव जिल्ह्या दौऱ्यावर आज राष्ट्रवादीचे नेते आमदार रोहित पवार आले. प्रथम त्यांनी मुक्ताईनगर येथील संत मुक्ताई मंदिरात जाऊन दर्शन घेतले. यानंतर त्यांनी पत्रकारांशी संवाद साधला. आमदार पवार बोलतांना म्हणाले, की राज्यातील महाविकास आघाडीच्या नेत्यांवर सुरू असलेली कारवाई ही राजकीय आकसाने करण्यात येत आहे. त्याचेच उदाहरण हे एकनाथराव खडसे यांना दिला जाणारा ईडीचा त्रास आहे. ते जेव्हा भाजपात होते तेव्हा त्यांची ताकद कमी करण्यासाठी भाजपमधील काही लोकांनी काम केल्याचा आरोप यावेळी केला. तसेच बहुजन नेत्यांचा ताकद कमी करण्याचे काम या लोकांनी केले असल्याचे पवार यांनी माहिती दिली.
आमदार रोहित पवार पुढे बोलतांना भजपा नेते माजी मंत्री आमदार गिरीश महाजन यांच्यावर जोरदार टीका केली असून गिरीश महाजन यांना पैशांचा घमेंड असून ते या जोरावर फोडाफोडीचे राजकारण निवडणूकीत करत असतात. पण निवडणूका या लोकशाहीच्या मार्गानेच लढल्या पाहिजे त्यातूनच तुमची खरी ताकद जनतेला दिसते.
जळगाव शहरात राष्ट्रवादी कार्यालयात भेटी प्रसंगी बोलतांना आमदार रोहित पवार म्हणाले की, केंद्र सरकारकडून येणारा निधी थांबविला गेला असून देखील महाविकास आघाडी सरकारडून कोविडच्या संकटात राज्यातील जनतेच्या पाठिशी उभी आहे. परंतू विरोधीपक्षातील नेत्यांनी संकटाच्या काळात देखील त्यांनी केवळ राजकारण केले. वादळामुळे गुजरात बरोबर महाराष्ट्राचे नुकसान झाले होते. परंतू पंतप्रधानांनी केवळ गुजरातची पाहणी केली आणि गुजरातलाच मदत दिली. महाराष्ट्राला काहीच मदत दिली नाही. अशा वेळी राज्यातील विरोधीपक्षातील नेत्यांनी साधे केंद्राला महाराष्ट्राला मदत द्यावी असे पत्र पाठविले नाही असे बोलून केंद्रावर तसेच विरोधीपक्षातील नेत्यांचा समाचार घेतला.
